क्रान्ति केन्द्र सम्वाददाता
जिल्ला प्रशासन कार्यालय सप्तरीले कोभिड–१९ संक्रमणबाट जोगिन सजगता अपनाउन आवश्यक रहेको बताएको छ ।
बिहिबार प्रमुख जिल्ला अधिकारी भूपेन्द्र थापाद्वारा हस्ताक्षरित सूचनामा कोभिड–१९ संक्रमण नेपालमा न्यून हुँदै गएतापनि विश्वव्यापी रुपमा छिमेकी देश लगायत केही देशहरुमा संक्रमणका नयाँ स्वरुप (भेरियन्ट) देखा परेकोले सोकोे जोखिम तथा असर नेपालमा समेत पर्न सक्ने अवस्था प्रति सजगता अपनाउन आवश्यक रहेका जारी सूचना पत्रमा उल्लेख छ ।
जिल्ला संकट व्यवस्थापन केन्द्र बैठकको निर्णयनुसार सर्वाजनिक यातायातका साधन तथा बढी भिड–भाड हुने स्थानहरुमा मास्क तथा सेनिटाईजरको प्रयोग गर्ने, भौतिक दुरी कायम राख्न सर–सफाई लगायत जनस्वास्थ्य तथा सुरक्षाका मापदण्ड पालना गर्नगराउनुहुन जिल्ला स्थित स्वास्थ्य कार्यालय सबै स्थानीय तहहरु लगायत सम्पूर्ण सरोकारवालासँग सजगता अपनाउन निर्देशन समेत दिएको छ ।
