क्रान्ति केन्द्र सम्वाददाता
सप्तरीको छिन्नमस्ता गाउँपालिकामा रहेको छिन्नमस्ताभगवती मन्दिर परिसर भित्र पार्क निर्माणको लागि जग्गा निरीक्षण गरिएको छ ।
मधेश प्रदेश पर्यटन विकास कार्यालय लहानका प्रमुख सन्तोष साहले मंगलबार गाउँपालिका अध्यक्ष विद्यानन्द चौधरी अगुवाईमा सो पर्यटक निर्माणका लागि जग्गा निरीक्षण गरेका छन् । गाउँपालिका अध्यक्ष चौधरीको विशेष पहलमा मधेस प्रदेश पर्यटन विकास कार्यालयबाट एक करोड रुपैयाँ बराबरको छिन्नमस्ता भगवती मन्दिर परिसर भित्र पार्कको निर्माण कार्य भइरहेको गाउँपालिका अध्यक्ष चौधरीले बताए ।
विगत १० बर्ष देखी अलपत्र अवस्थामा रहेका खानेपानी, गाउँपालिका भित्र १५ शैय्याको अस्पताल निर्माणका लागि समेत पहल भईसकेको उनले बताए ।
पार्कको जग्गा निरक्षणमा गाउँपालिकाकी उपाध्यक्ष राजुदेवी यादव, सबै वडाका वडा अध्यक्षहरु, शक्तिपीठका पिठाधिस महाकान्त ठाकुर, नेकपा माओवादी केन्द्रका गाउँपालिका अध्यक्ष तेजनाराण यादव, जसपा नेपालका युवा नेता निरज मुक्ति लगायतका वृद्धिजीवि राजनितिकर्मीहरुको उपस्थिति रहेको थियो ।
