क्रान्ति केन्द्र सम्वाददाता
जनता समाजवादी पार्टी (जसपा)नेपालले बुधबार संसदीय दलको नेता चयन गर्न निर्वाचन तालिका सार्वजनिक गरेको छ ।
निर्वाचन कार्यतालिका अनुसार विहान ११ बजेदेखि १२ बजेसम्म मनोनयन दर्ता हुनेछ । यस्तै १२ बजेदेखि दिउँसो १२ः ३० बजेसम्म उम्मेदवारको नामावली प्रकाशन, १२ः३० बजेदेखि १ः३० बजेसम्म नाम फिर्ता लिनसक्ने, १ः३० बजेदेखि दिउँसो २ बजेसम्म दावी विरोध गर्ने र दिउँसो २ बजेदेखि २ः३० बजेसम्म उम्मेदवारहरुको अन्तिम नामावली प्रकाशन गरिनेछ ।
त्यस पछि २ः३० बजेदेखि ३ः३० सम्म मतदान हुने र साढे ३ बजेपछि मतदानको परिणाम सार्वजनिक गर्ने कार्यक्रम रहेको जसपा संसदीय दलको कार्यालयले जनाएको छ । जसपा नेपलाका प्रतिनिधिसभामा १२ जना सांसद छन् ।
