क्रान्ति केन्द्र सम्वाददाता
सप्तरीको छिन्नमस्ता गाउँपालिकामा कार्यरत प्रतिभा यादवले सामाजिक सञ्जालमा भाईरल भइरहेको तस्वीरको खण्डन गरेकी छिन् । केही दिन देखी सोही गाउँपालिकाका अध्यक्ष विद्यानन्द चौधरी र कर्मचारी प्रतिभा यादव सँगसँगै रहेको तस्वीरलाई अज्ञात व्यक्तिले नाकारात्मक तरिकाले समाजिक सञ्जाल मार्फत पोष्ट गर्दै आएका छन् ।
मंगलबार कर्मचारी यादवले एक प्रेस विज्ञाप्ती जारी गर्दै यसको घोर भर्त्सनासँगै त्यस बिषयमा आफ्नो पक्ष राखेकी छिन् । ‘म छिन्नमस्ता गाउँपालिकामा कार्यरत कर्मचारी हुँ, हालै मेरो र गाउँपालिकाका अध्यक्षज्यूको फोटो जोडेर समाजिक सञ्जाल मार्फत सार्वजनिक भएको घट्नाप्रति घोर भर्त्सना गर्दछु ।’ उनले भनिन् ।
‘केही दिन पहिला म सहित मेरो परिवारका अन्य सदस्यहरु र गाउँपालिका अध्यक्ष चौधरी सामुहिक रुपमै बाबाधाम जाने बेलामा गाडीमा बसेको अवस्थामा लिएको तस्वीर हो ।’ भिडियोको सन्दर्भमा जारी प्रेस विज्ञाप्तीमा उल्लेख छ । ‘मेरो ईमेल आईडी ह्याक गरी त्यसलाई ईडीट गरेर समाजिक संजालमा पोष्ट गरेको जानकारी गराउँदै छुँ। ‘
अनुमति बिना भिडियो विभिन्न समाजिक संजाल र समाचारमा सार्वजनिक गरेकोले घट्नाले गर्दा उनी विक्षिप्त भएकी बताईन् ।
ईमेल आईडी ह्याक गरी तरस्वीर तानेर चरित्र हत्या गर्नेलाई कारबाहीको माग सहित साइबर क्राइम ब्यूरोमा निवेदन दिईसकेकी उनले बताईन् । चरित्र हत्या गर्नेलाई कानुन बमोजिमको कारबाहीको लागि सबै पक्षलाई उनले आग्रह समेत गरेकी छिन् ।
