क्रान्ति केन्द्र सम्वाददाता
सप्तरीको छिन्नमस्ता गाउँपालिकालाई मधेश प्रदेश जनस्वास्थ्य प्रयोगशालाबाट करिब १ करोड बराबरको ल्याव सामग्री अनुदानमा प्रदान गरिएको छ । सोमबार जनकपुर स्थित मधेश प्रदेश जनस्वास्थ्य प्रयोगशालाका प्रमुख कर्मशील प्रसाद गोपले गाउँपालिका अध्यक्ष विद्यानन्द चौधरीलाई सामग्री हस्तान्तरण गरेका छन् ।
सामग्रीमा माईक्रोस्कोप , हेमाटोलोजी रगत, दिसा–पिसाब जाँच्ने लगायतको सामग्रीहरु रहेको गाउँपालिका अध्यक्ष विद्यानन्द चौधरीले जानकारी दिए । केही दिन भित्र आधुनिक भिडियो एक्स-रे लगायतका सामग्री समेत ल्याउने उनले बताए ।
यथासिघ्र छिन्नमस्ता स्वास्थ्य चौकीमा सबै ल्याब सामग्रीहरु सञ्चालनमा ल्याउने र केही दिन भित्र एउटा एम बि बि एस डाक्टर राखेर सेवा सुविधा उपलब्ध गराई यहाँका जनतालाई निःशुल्क उपचार दिने व्यवस्था मिलाउने उनले बताए ।
समान हस्तान्तरण बेलामा गाउँपालिकाका स्वास्थ्य शाखाका सह–संयोजक दिपेन्द्र यादव र नेकपा माओवादी केन्द्र पार्टीका गाउँपालिका अध्यक्ष तेजनारायाण यादव समेत उपस्थिति रहेका थिए ।
गाउँपालिका भित्र रहेका गरीब विपन्न परिबार, भक्तजन, पर्यटक लगायतकालाई निःशुल्क उपचकारको लागि गाउँपालिका अध्यक्ष चौधरीले गत पौष २ गते काठमाण्डौ स्थित स्वास्थ्य तथा जनसंख्या मन्त्रालय सचिव डा. रोशन पोखरेलसँग गाउँपालिका भित्र १५ शैय्या अस्पताल निर्माण र वडा नम्बर २, ४, ६ र ७ मा स्वास्थ्य चौकी निर्माण तथा मन्दिर परिसर भित्र आधारभूत स्वास्थ्य सेवा सञ्चालनको लागि माग गरेको थियो । सचिव डा. पोखरेलले यसै आर्थिक बर्षबाट सञ्चालन गर्ने प्रतिवद्धा समेत दिएका थिए ।
