क्रान्तिकेन्द्र सम्वाददाता
तेश्रो पटक प्रधानमन्त्रीको रुपमा पुष्पकमल दाहाल प्रचण्डले सपथ लिएका छन् । उनलाई आज राष्ट्रपति विद्या देवी भण्डारीले सपथ ग्रहण गराएकी छिन् । उनीसाथै ८ सदस्यीय मन्त्रिपरिषद समेत गठन भएको छ । प्रधानमन्त्री प्रचण्डले ३ उपप्रधानमन्त्री र ४ मन्त्री सहित ८ सदस्यीय मन्त्रिपरिषद गठन गरेका हुन् ।
उपप्रधानमन्त्रीमा नेकपा एमालेका विष्णु पौडेल, माओवादी केन्द्रका नारायणकाजी श्रेष्ठ र राष्ट्रिय स्वतन्त्र पार्टीक रवि लामिछाने रहेका छन् । पौडेलले अर्थ, श्रेष्ठले भौतिक पूर्वाधार र लामिछानेले गृह मन्त्रालय सम्हाल्नेछन् ।
मन्त्रीहरुमा ज्वालाकुमारी साह, दामोदर भण्डारी, राजेन्द्र राई र अब्दुल खान रहेका छन् । उनीहरुको कार्यभार पछि तोकिनेछ । ३ जना उपप्रधानमन्त्री र ३ जना मन्त्रीहरुले सोमबार नै शपथ लिएका छन् । मन्त्री ज्वालाकुमारी साह भने शपथ समारोहमा अनुपस्थित भएकी छिन् ।
