क्रान्ति केन्द्र सम्वाददाता
सप्तरीको छिन्नमस्ता गाउँपालिका–बरही विरपुरमा जारी वडा स्तरीय क्रिकेट प्रतियोगितामा आईतबार भएको दुई खेलमा वरही राईडर्स दुबै खेलमा विजय भएको छ ।
पहिलो खेल वरही राईडर्स विरुद्ध वरही राईजिङ विच भएको थियो । जसमा बरही राईजिङले टस जितेर व्याटिङका लागि बरही राईडर्सलाई निम्त्याएका थिए ।
वरही राईडर्सले निर्धारित २० ओभरमा १८० रन बनाउन सफल भएका थिए । जसमा राईडर्सका गुणानन्द राईले ३९ बलको सामना गर्दै महत्वपूर्ण ६३ रनको योगदान दिएका थिए । त्यस्तै धर्मेन्द्रले ३३,रेबती २१ र राहुलले २३ रनको योगदान दिएका थिए ।
वरही राईजिङले १८१ रनको लक्ष्य लिएर मैदानमा ओर्लिएका आफ्नो सम्पूर्ण विकेटको क्षतिमा मात्र १२२ रन जोड्न सफल भएका थिए । राईजिङका लागि रबिन ३१, सुकदेवले २५ र कृष्णले १७ रन योगदान दिएका थिए । राईडर्सका बोलिङमा बबलुलाई ४ र धन्जितलाई २ विकेट भेटेका थिए । खेलको मैन अफ द मैच राईडर्सका गुणानन्द राय घोषित भएका थिए ।
त्यस्तै अर्को खेल बरही राईडर्स विरुद्ध छिन्नमस्ता स्पोर्ट्स क्लव विच भएका थिए, जसमा छिन्नमस्ता स्पोर्ट्स क्लवले टस जीतेर ब्याटिङ गरेका थिए । निर्धारित २० ओभरमा १४४ रन जोड्न सफल भयो । स्पोर्ट्स क्लवका छत्रनारायण राईले ४२, बिक्की राईले २९, टोपेन राईले २४ र रवि राईले २५ रन आफ्नो टिमका लागि योगदान दिएका थिए ।
वरही राईडर्सले १४६ रनको लक्ष्य लिएर मैदानमा ओर्लिएका १० ओभरमा आफ्ना १ विकेटका क्षतिमा लक्ष्य हासिल गरे । राईडर्सका लागि रेबतीले ५६ बलको सामना गर्दै ८४ रन आफ्ना टिमका लागि बनाए । त्यस्तै भरतीले २७ रन आफ्ना टिमका लागि योगदान दिएका थिए । खेलको मैन अफ द मैच राईडर्सका रेबती घोषित भएका थिए ।
