क्रान्ति केन्द्र सम्वाददाता
सप्तरीको छिन्नमस्ता गाउँपालिका-१ बरही बिरपुरमा वडा स्तरीय क्रीकेट प्रतियोगिता सन्चालन भएको छ ।
गाउँपालिका अध्यक्ष विद्यानन्द चौधरीको प्रमुख आतिथ्य तथा उपाध्यक्ष राजो देवी यादबको विशिष्ट आतिथ्य एवम सोही वडाका वडा अध्यक्ष ललन प्रसाद यादवको अध्यक्षतामा शनिबार कार्यक्रम गरि प्रतियोगिता संचालन भएको हो ।
उद्घाटन खेल छिन्नमस्ता स्पोर्ट क्लब र बिरपुर राइडर्स बिच भएको थियो । जसमा छिन्नमस्ता स्पोर्ट क्लबले टस जीतेर पहिला ब्याटिङ्ग गर्ने निर्णाय गरेको थियो । छिन्नमस्ता स्पोर्ट् क्लबले निर्धारित २० ओभरमा १३७ रनको लक्ष्य बिरपुर राईडर्सलाई दिएको थियो । जसमा बिरपुर राईडर्सले २० ओभरमा आफ्ना ९ विकेटको क्षतिमा मात्र १२० रन बनाउन सकेका थिए । खेलको मैन अफ द म्याच छिन्नमस्ता स्पोर्ट क्लबका उपेन्द्र राय घोषित भएका थिए ।
त्यस्तै, दोश्रो खेल बरही राईजिङ्ग र छिन्नमस्ता स्पोर्ट क्लब बिच भएको थियो । जसमा छिन्नमस्ता स्पोर्ट क्लबले टस जितेर पहिले ब्याटिङ गर्ने निर्णाय गरेको थियो । निर्धारित २० ओभरमा आफ्ना ७ विकेटका क्षतिमा १८३ रन बनाउंन सफल भएका थिए ।
छिन्नमस्ता स्पोर्ट् क्लबका टोपेन्द्र रायले ३३ बलका सामना गर्दै ६० रन बनाउँन सफल भएका थिए । त्यस्तै छत्रनारायण रायले २५ बलमा २७ रन र बिक्की रायले १६ बलमा ३३ रनको योगदान आफ्नो टिमलाई दिएका थिए ।
बरही राईजिङ्गले १८४ रनको लक्ष्यको पछियाउँन ओर्लिएका मैदानमा कृष्णाले २८ र राजु १५ रन बाहेक कुनै पनि खेलाडीले दोहरो अंक समेत छुन सकेन । बलिङ्गमा छिन्नमस्ता स्पोर्ट क्लबका उपेन्द्र रायले आफ्नो ४ ओभरमा ७ रन खर्च गर्दै महत्वपूर्ण ४ विकेट लिएका थिए । त्यस्तै पंकज र छत्रनारायण रायलाई २/२ विकेट भेटेका थिए । खेलका मैन अफ द म्याच टोपेन्द्र राय घोषित भएका थिए ।
