क्रान्ति केन्द्र सम्वाददाता
ईंडियन प्रिमियर लिग (आईपिएल) सन २०२३ को लिलामी अक्सनमा इङ्ल्याण्डका अलराउन्डर सैम करान सबैभन्दा महंगो खेलाडी बनेका छन् । उनलाई पञ्जाब किंग्सले १८ करोड ५० लाख भारतीय रुपैयाँ खरिद गर्न सफल भएको छ । यसै साथ करण आईपिएल इतिहासकै सबैभन्दा महंगो खेलाडी समेत बनेका हुन् ।
करणको आधार मूल्य २ करोडबाट बोली सुरु भएको थियो । सुरुमा मुम्बई इन्डियन्स (एमआई) र रोयल च्यालेन्जर्स बैंगलोर (आरसिबी)ले करणको खरिदमा रुचि देखाए । उनीहरूले २ करोड भन्दा बढी बोली लगाए । उनको मूल्य चाँडै ७ करोड पुग्यो र त्यसपछि उनलाई बोली लगाउँन राजस्थान रोयल्स (आरआर) टोलीमा सामेल भए ।
आरसीबी चाँडै बोली प्रतियोगितबाट बाहिरएको थियो । आरआर र एमआईले बोली जारी राखे । पछि चेन्नई सुपर किंग्स (सीएसके) र लखनऊ सुपर जाइन्ट्स (एलएसजी) ले पनि करणलाई खरिद गर्न प्रयास गरे तर अन्तमा पञ्जाबले खरिद गर्न सफल भए ।
करणलाई खरिद गरेपछि पञ्जाब किंग्सका प्रशिक्षक ट्रेभर बेलिसले उनलाई टोलीमा समावेश गर्न पाउँदा निकै खुसी भएको बताएका छन् । करनसँग ब्याटिङ्ग र बलिङ्ग दुबैमा उत्कृष्ट क्षमता रहेको उनले बताए ।
त्यस्तै अस्ट्रेलियाका कैमरुन ग्रीन आईपिएल ईतिहासको सबैभन्दा दोश्रो मंहगो खेलाडीको रुपमा रहेको छ । उनलाई सबै भन्दा बढी आईपिएल सिल्ड जितेको मुम्बाई ईंडियन्स टिमले १७ करोड ५० लाखमा खरिद गरेका छन । इंग्ल्याण्डका टेस्ट कप्तान र अनुभवी अलराउन्डर बेन स्टोक्स सबैभन्दा महँगो खेलाडी हुनसक्ने सबैको अपेक्षा थियो तर करन स्टोक्स भन्दा मंहगो रुपमा परिणत भयो । स्टोक्सलाई सिएसकेले १६ करोड २५ लाखमा खरिद गरेका छन ।
स्टोक्सलाई खरिद गर्न सनराइजर्स हैदरावाद, राजस्थान रोयल्स र लखनउ सुपर जायन्ट्सले पनि संकेत देखाए तर सफल भएनन् ।
