क्रान्ति केन्द्र सम्वाददाता
फ्रान्सलाई पेनाल्टी शुटआउटमा हराउँदै अर्जेन्टिनाले फुटबल विश्वकपको २२ औं संस्करणको उपाधि जितेको छ । आईतबार कतारको लुसेल स्टेडियममा भएको फाइनल खेलमा अर्जेन्टिनाले फ्रान्सलाई पेनाल्टी शुटआउटमा ४–२ गोलले पराजित गर्दै उपाधि आफ्नो नाम गरेको हो ।
निर्धारित ९० मिनेटमा २–२ गोलको बराबरी भएपछि खेल अतिरिक्त समयमा पुगेको थियो । अतिरिक्त समयमा ३–३ गोलको बराबरी भएपछि खेल पेनाल्टी शुटआउटमा पुगेको थियो । पेनाल्टी शुटआउटमा अर्जेन्टिनाका लागि लियोनल मेसी, पउलो डेबेला, लियोनार्पो पेरेडेस र गोन्जालो मोन्टेलले गोल गरे ।
फ्रान्सका लागि केलियन एम्बाप्पे र कोलो मुनीले मात्र गोल गर्न सके । किङ्सली कोमन र चोमेनीले गोल गर्न सकेनन् । यसअघि अर्जेन्टिनाका लागि लियोनल मेस्सीले दुई र एन्जेल डी मारियाले एक गोल गरे । फ्रान्सका लागि केलियन एम्बाप्पेले “ह्याट्रिक” गरे ।
अर्जेन्टिनाले ३६ वर्षपछि विश्व कपको उपाधि जितेको हो । यसअघि सन् १९८६ मा अर्जेन्टिनाले विश्व कप जितेको थियो । त्यसअघि सन् १९७८ मा उपाधि जितेको थियो ।
फाइनल खेलमा ह्याट्रिक गरेका एम्बाप्पेले सन् १९६६ को रेकर्ड तोडेका छन् । यसअघि सन् १९६६ मा इग्ल्यान्डका जियाफ हर्स्टले ह्याट्रिक गरेका थिए । त्यो संस्करणको विश्व कप फाइनल इग्ल्यान्डले जितेको थियो ।
फ्रान्सका किलियन एम्बाप्पेले ‘गोल्डन बुट’ को उपाधि जितेको छ ।
एम्बाप्पेले विश्वकपमा सर्वाधिक ८ गोल गर्दै सो उपाधि जितेका हुन् । उनीसँगै प्रतिस्पर्धामा रहेको अर्जेन्टिनाका कप्तान लियोनल मेस्सी ६ गोलसहित दोस्रो स्थानमा रहेका छन्।
एम्बाप्पेले फाइनलमा ह्याट्रिक गर्दै सो उपाधि जितेका हुन्।
