क्रान्ति केन्द्र सम्वाददाता
सप्तरीको छिन्नमस्ता गाउँपालिकाद्वारा ईलाका प्रहरी कार्यालय सखडालाई आईतबार एक थान कम्प्यूटर सेट र एक थान प्रिन्टर प्रदान गरिएको छ ।
अहिलेको आधुनिक समयमा पनि ईलाका प्रहरी कार्यालयमा रजिष्टरबाट कामकाज हुँदै आएकोले त्यसलाई आधुनिकीकरण गर्नको लागि गाउँपालिका अध्यक्ष विद्यान्नद चौधरीको नेतृत्वमा सो कम्प्युटर र प्रिन्टर प्रदान गरेको छ ।
‘यस गाउँपालिकामा रहेको छिन्नमस्ता शक्तिपिठमा दैनिक छिमेकी देश भारतबाट समेत हजारौंको संख्यामा भक्तजनहरु मन्दिरमा पूजापाठ गर्न आउने जाने गर्दछन् ,त्यही भक्तजनको बिचमा अपराधी समेत आउन जानसक्छ त्यसलाई आधुनिक तरिकाले कामकाज गर्न र निगरानी राख्न मदत पुग्ला’ अध्यक्ष चौधरीले बताए ।
ईलाका प्रहरी सखडाका सई शत्रुधन राउतले कम्प्युटर र प्रिन्टर पाएर आधुनिक तरिकाबाट कामकाज गर्न धेरै सजिलो भएको प्रतिक्रिया दिए । उनले ईलाका प्रहरी कार्यालयलाई सहयोग गरेकोमा गाउँपालिका अध्यक्ष चौधरीलाई धन्यावाद समेत दिए ।
सो कार्यक्रममा गाउँपालिकाका प्रशासकीय अधिकृत ललन कुमार यादव तथा सबै वडाका वडा अध्यक्ष लगायतका व्यक्तीहरुको उपस्थिति रहेको थियो ।
