क्रान्ति केन्द्र सम्वाददाता
सप्तरी जिल्लाको छिन्नमस्ता गाउँपालिकाले आयोजना गरेको तीन दिवसीय निःशुल्क आँखा शिविर शनिबार दोश्रो दिन वडा नम्बर ५ मा सम्पन्न भएको छ ।
शिविरमा बिराटनगरका बरिष्ठ आँखा रोग विशेषज्ञ डाक्टरहरुले लोखरम स्थित रहेको स्वास्थ्य चौकीमा बिहान ११ बजे देखी साढे ३ बजे सम्म सेवा प्रदान गरेका थिए । सो शिविरबाट ४३७ जनाभन्दा बढीले आफ्नो आँखा चेक जाँच गराएका थिए । चेक जाँच गरका मध्ये ५७ जनालाई मोतियाबिन्द फेलापरेको थियो ।
मोतियाविन्द फेला परेका विरामीहरुलाई अप्रेसनको लागि सल्लाह समेत दिएको थियो । बाँकीविरामीहरुलाई फ्रि औधषी र चश्मा समेत शिविरबाट उपब्लध गराएको स्वास्थ्य चौकी ईन्चार्ज राजाबाबु मेहताले जानकारी दिए । शिविरमा छिन्नमस्ता गाउँपालिकाकी उपाध्यक्ष राजोदेवी यादव, वडा नम्बर ५ का वडा अध्यक्ष जयप्रकाश ठाकुर, स्वास्थ्य संयोजक, मदनेश्वर चाौधरी, सह–संयोजक दिपेन्द्र प्रसाद यादव, स्वास्थ्य चौकी ईन्चार्ज राजाबावु मेहता, सिनियर अहेब आलोक रञ्जन झा, स्थानीय राजनीतिककर्मी, बुधिजिविहरुको उपस्थति रहेको थियो ।
शुक्रदिन सोही गाउँपालिकाका वडा नम्बर ३ सखडामा शिविर भएको थियो । सो शिविरबाट करिब ४५० जनाले लाभ लिएका थिए । आज आईतबार तेश्रो दिन छिन्नमस्ता गाउँपालिका वडा नम्बर ६ कोचाबखारीमा शिविर सञ्चालनमा छ ।
