क्रान्ति केन्द्र सम्वाददाता
सप्तरीको छिन्नमस्ता गाउँपालिका अध्यक्ष विद्यान्नद चौधरीले ईलाका प्रहरी कार्यालय सखडालाई ‘क’ वर्गामा राखी ईन्सपेक्टर बस्ने गरी दरबन्दी व्यवस्थाको माग गर्दै गृहमन्त्री उपसचिव तथा सर्वे समुह सदस्य विश्वराज मरासिनीलाई ज्ञापन पत्र बुझाएका छन ।
सखडामा दिनहुँ नेपाल र भारतबाट हजारौंको संख्यामा भक्तजन आवतजावत गर्ने गरेकोले सुरक्षालाई थप मजबुत पार्न ईन्सपेक्टरको दरबन्दी गर्न माग गरिएको चौधरीले बताए । हाल त्यस प्रहरी चौकीमा सईको दरबन्दी रहेको पत्रमा उल्लेख छ ।
नेपलाकै प्रसिद्ध शिक्तिपिठहरु मध्ये एक छिन्नमस्ता मन्दिर परीसरमा हाल प्रहरी बिट नरहेकोले त्यसमा छुट्टै प्रहरी बिटको व्यस्थापन मिलाईदिन ज्ञापन पत्रमा उल्लेख छ ।
उपसचिव मरासिनीले जिल्लाहरुमा सुरक्षा समिति मार्फत प्रक्रिया पुर्याई र भईरहेको सर्वे पश्चात व्यवस्था मिलाउने प्रतिवद्धता व्यक्त गरेको चौधरीले बताए ।
त्यस्तै अध्यक्ष चौधरीले शुक्रबार स्वास्थ्य तथा जनसंख्या मन्त्रालयका सचिव डा. रोशन पोखलेसँग गाउँपालिका भित्र १५ शैय्या अस्पताल निर्माण र वडा नम्बर २, ४, ६ र ७ मा स्वास्थ्य चौकी निर्माण तथा छिन्नमस्ता मन्दिर परिसर भित्र आधारभूत स्वास्थ्य सेवा सञ्चालनको लागि माग गरेको थियो । सचिव डा. पोखरेलले यसै आर्थिक बर्षबाट सञ्चालन गर्ने लागि प्रतिबद्धता व्यक्त गरेको अध्यक्ष चौधरीले बताए ।
छिन्नमस्तामा अलपत्र अवस्थामा रहेका १० बर्ष देखी सुचारु हुननसकेको खानेपानीलाई सञ्चालन गरदिन सिंहदरबारस्थित खानेपानी मन्त्रालयका सचिव मणिराम गेलालसंग आग्रह गरेका थिए । सो क्रममा सचिव गेलालले राजविराज खानेपानीलाई फोन गरी छिन्नमस्ता खानेपानीको सञ्चालनमा लाग्ने लागत र फायल सिफारीस अबिलम्ब मन्त्रालय पठाउन निर्देशन समेत दिएको चौधरीले बताए ।
