श्रवण वत्स
सप्तरी लगायत तराई मधेशका जिल्लाहरुमातीन दिन देखी बाक्लो हुस्सु र कुहिरो लाग्न थालेको छ । यसले गर्दा चिसो असाध्यै बढ्दै गएको छ । दिउँसोको समयमा अलिअलि घाम लागे पनि बिहान र बेलुकाको समयमा अत्यधिक चिसो हुने गरेको छ । चिसोले गर्दा बिरामी पर्नको संख्या पनि बढ्ने गर्छ ।
जिल्ला जनस्वास्थ्य कार्यालय सप्तरीका प्रमुख दुनियालाल यादवले चिसोबाट बालबालिकाहरु र वृद्धवृद्धाहरुमा बढी असर पर्ने गरेको बताएका छन् । तिनीहरु डाईरिया, निमोनिया जस्ता रोगहरु लाग्न सम्भावना बढी रहेको उनले बताए । यसबाट बच्न न्यायो कपडा लगाउन, समय समयमा झोल पदार्थहरु बढी मात्रमा खुवाउने , धुवा नलाग्ने गरी आगो तथा हिटर ताप्ने कार्य गर्नुपर्ने बताए ।
गजेन्द्र नारायण सिंह अस्पतालका मेडिकल सुप्रिण्टेण्डेन्ट डा. प्रकाश साहले जाडोबाट बढी मात्रामा दमका रोगी, वृद्धवृद्धा र बालबालिकालाई सताउने गरेको बताए । उनले अहिले अस्पतालमा त्यस्तो विरामीको चाप नरहेको बताए । ‘अहिले त जाडो भर्खर सुरु भएको हो,’ उनले भने ‘तर चिसोसँगै बिरामीको चाप बढन सक्छ ।’ बालबालिकाहरुमा डाईरिया, निमोनिया, श्वासप्रश्वामा गडबडी जस्ता समस्या हुनसक्ने भएकाले यसबाट बच्नको आमा र बच्चा दुबै जनालाई तातो खाना खान , बढी मात्रामा झोलिलो पदार्थहरु पिउनु पर्ने सल्लाह दिए । गर्भवती महिलाहरुलाई समेत चिसोबाट बच्न बिशेष ध्यान दिनुपर्ने उनले बताए ।
सप्तरीका प्रमुख जिल्ला अधिकारी भुपेन्द्र थापाले हुस्सु–कुहिरोसँगै चिसो पनि बढ्दै जाने भन्दै चिसोबाट जोगिन आवश्यक सतर्कता अपनाउन आग्रह गरेको छ । देशैभरि दिनदिनै चिसो हावा सँगै जाडो बढदै जाने भएकाले यसबाट बच्न न्यानो र बाक्लो कपडाहरु सबैमा आग्रह समेत गरेक छन् ।
त्यस्तै मधेश प्रदेशका अर्थ मन्त्री शैलेन्द्र प्रसाद साहले चिसोबाट बच्न आगो ताप्दा सावधानी अपनाउन आग्रह गरेका छन् । आगोबाट ठुलो क्षति समेत हुन् सक्ने भएकाले सबैलाई सचेत रहन आग्रह गरेका छन् ।
