क्रान्ति केन्द्र सम्वाददाता
सप्तरी प्रहरीले चालु आर्थिक बर्ष २०७९।०८० मा साढे तीन हजारभन्दा बढी गाँजा बोट फडानी गरेको छ । शुक्रबार(आज) सम्म अबैध रुपमा लगाईएका ३ हजार ८ सय ५४ गाँजाका बोटहरु फडानी गरेको जिल्ला प्रहरी कार्यालय सप्तरीका प्रहरी नायव उपरीक्षक नरेश कुमार सिंहले जानकारी दिएका छन् ।
जिल्लाका बिष्णुपुर गाउँपालिका, राजबिराज नगरपालिका, राजगढ गाउँपालिका ,हनुमानगर कंकालिनी नगरपालिका, डाक्नेश्वरी नगरपालिका,तिरहुत गाउँपालिका , तिलाठीकोईलाडी गाउँपालिका, अग्नीसाईर कृष्णसवरण गाउँपालिका, शम्भुनाथ नगरपालिका लगायतका स्थानहरुमा अबैध रुपमा लगाईएका बोटहरु नष्ट गरिएको सिंहले जानकारी दिएका छन् । सिंहका अनुसार बोटहरु स्थानीय प्रतिनिधिको रोहबरमा फडानी गरिएको हो ।
