क्रान्ति केन्द्र सम्वाददाता
सप्तरी जिल्लाको कञ्चनरुप नगरपालिका–१ बैरबामा घाँटी रेटी एक जनाको हत्या भएको छ । गए रातिदेखि वेपत्ता रहेका सोही ठाउँका ५० वर्षीय पप्पु राउतको घाँटी रेटी हत्या भएको छ ।
वेपत्ता रहेका राउतलाई खोजी गरिदिन प्रहरीमा जानकारी गराइएको थियो । मंगलबार बिहान राउतको घाँटी रेटी हत्या गरिएको अवस्थामा शव फेला परेको जिल्ला प्रहरी कार्यालयका प्रवक्ता प्रहरी नायव उपरीक्षक नरेश सिंहले जानकारी दिए ।
घाँटी रेटी हत्या गरिएको शव फेला परेसँगै घटनाको बारे अनुसन्धान थालिएको डिएसपी सिंहले बताए ।
