क्रान्ति केन्द्र सम्वाददाता
सप्तरी जिल्लाको तिलाठी कोइलाडी गाउँपालिका वडा नम्बर ३ सकरपुराका राष्ट्रिय प्राथमिक विद्यालय मुखिया टोलका छात्र–छात्रालाई पोशाक वितरण गरिएको छ ।
विद्यालय र वडा अध्यक्षको सहयोगमा बिहिबार एक कार्यक्रमबीच २ सय भन्दा बढी विद्यार्थीलाई पोशाक वितरण गरिएको वडा अध्यक्ष रमेश कुमार मुखियाले जानकारी दिए ।
“सबै विद्यार्थीलाई पोशाक वितरण गर्ने कार्यक्रम छ तर अहिले तयार भएर आएका २ सय विद्यार्थीलाई वितरण गरिदिए, बाँकी केही दिनमा तयार भएर आउँछ अनि बाँकी विद्यार्थीहरुलाई वितरण गर्छौं ” उनले भने “गरिब परिवारका विद्यार्थीलाई पोशाकमा समस्या नहोस भने वडाले सहयोग गरेको हो, पढ्ने विद्यार्थीलाई म सधैं सहयोग गर्न तयार छुँ ।”
सो कार्यक्रममा विद्यालयका प्रधानध्यापक लोचेन्द्र झा, शिक्षक लक्ष्मण झा, वडा सदस्यहरु , समाजसेवी शिवनाथ यादव, विद्यालयका कार्यरत अन्य शिक्षकशिक्षिकाहरुको उपस्थिति रहेको थियो ।
