श्रवण वत्स
सप्तरी निर्वाचन क्षेत्र नम्बर २ को राजविराजमा बाम लोकतान्त्रिक गठबन्धनले बुधबार र्याली निकालिएको थियो । गठबन्धनका तर्फबाट उम्मेदवार दिएका प्रतिनिधिसभा सदस्य उम्मेदवार लोकतान्त्रिक समाजवादी पार्टीका जय प्रकाश ठाकुर, प्रदेशसभा सदस्यमा २ (क) का उम्मेदवार लोसपाका सरोज कुमार मण्डल र २(ख) बाट माओवादी पार्टीका उमेश कुमार यादवसहितको सहभागितामा र्याली निकालिएको थियो ।
राजविराज स्थित पब्लिक विन्देश्वरी माध्यमिक विद्यालय अगाडिबाट निकालिएको र्याली बजार क्षेत्रको विभिन्न भाग परिक्रमा गरेको थियो । सो क्रममा बाम गठबन्धनका नेता कार्यकर्ताहरुले विभिन्न नाराहरु लगाएका थिए । बाम लोकतान्त्रिक गठबन्धन जिन्दाबाद, साईकल छाप जिन्दाबाद, हसियाँ हथौरा जिन्दाबाद, जय प्रकाश ठाकुर जिन्दाबाद, सरोज मण्डल जिन्दाबाद, उमेश कुमार यादव जिन्दाबाद सहितको नाराहरु लगाउँदै बजारको परिक्रमा गरेका थिए ।
यस क्षेत्र भित्र पर्ने छिन्नमस्ता गाउँपालिका, महदेवा गाउँपालिका, तिलाठी कोइलाडी गाउँपालिका र राजविराज नगरपालिकाका नेताकार्यकर्ताहरुले लोकतान्त्रिक–वाम गठबन्धनको पक्षमा नारा लगाउँदै नगर परिक्रमा गरेका थिए । आफनो उम्मेदवारलाई जिताउन हजारौंको संख्यामा गठबन्धनका नेता कार्यकर्ता सहभागी भएको लोसपा नेपालका नेता ललन झाले जानकारी दिए ।
