सामाजिक सञ्जाल सुचनाको छिटो र छरितो पहुँचका लागि प्रयोग हुने सुलभ साधन हो । चरम विकासको यस युगमा ईन्टरनेट सेवा सम्म सबैको पहुँच भइराखेको छ । यद्दपी एक समुह अहिले पनि यसबाट टाढा देखिन्छ । तर अप्रत्यक्ष रुपले उनीहरूको पनि पहुँच छ भन्न सकिन्छ । यतिको पहुँच भएको यस साधनको सदुपयोग भए जति राम्रो हुन्छ दुरुपयोग भए त्यति नै नराम्रो पनि हुन्छ । अहिले मुलुकमा निर्वाचनको माहौलमा सामाजिक सञ्जालको चरम दुरुपयोग भइरहेको छ । समाजिक सञ्जालको दुरुपयोग अन्य समयमा पनि भइराखेकै हुन्छ र अहिले भने झन तिव्रताको साथ भइराखेको छ । केही व्यक्तिहरूले फेक आइडी (नक्कली पहिचान) बनाएर उम्मेदवार तथा दलहरुको प्रचारप्रसार गरिराखेका छन् त्यो भन्दा पनि अर्का दल तथा उम्मेदवारलाई हेला गालीगलौज गरिराखेका छन् । व्यक्तिगतअभिव्यक्तिको स्वतन्त्रताको आडमा अरुको शान्ति खलल गर्ने काम गरिराखेका छन् । मात्र दल र उम्मेदवारलाई नभई लक्षित गरी अर्का दलका समर्थकलाई समेत मानसिक तनाव दिईराखेका छन् । उनीहरुको यस्ता क्रियाकलापप्रति सम्बन्धित सरोकारवाला निकायहरुको मौनताले मुलुकलाई निश्चित रुपले क्षति पुर्याउने छ । त्यसमा पनि लोकतान्त्रिक मुलुकको नेतृत्व चुन्ने समयमा यसले आम मतदातालाई पनि झुक्याई रहेको छ । सम्बन्धित निकायलाई यथासिघ्र यस्ता गतिविधि बन्द गराउनुपर्छ ।
