क्रान्ति केन्द्र सम्वाददाता
नेपाल पत्रकार महासंघ सप्तरी शाखाद्वारा दिपावली र छठ पर्वको अवसरमा शुक्रबार शुभकामना आदान–प्रदान कार्यक्रम आयोजना गरिएको थियो । महासंघ शाखा सप्तरीको अध्यक्ष श्रवण कुमार देवको अध्यक्षतामा शुभकामना आदान–प्रदान कार्यक्रम आयोजना भएको थियो ।
राजविराजमा रहेका नेपाल पत्रकार महासंघ सप्तरीको सभाहलमा आयोजित कार्यक्रममा प्रदेश आम संचार प्राधिकरण मधेश प्रदेशका अध्यक्ष श्याम सुन्दर यादव, पूर्व केन्द्रिय सदस्य अवधेश झा, नेपाल पत्रकार महासंघ शाखा सप्तरीका पूर्व सभापति एवम् पूर्व केन्द्रिय सदस्य शम्भु झा, पूर्व सभापति विष्णु कुमार मण्डल, बैधनाथ झा, वरिष्ठ पत्रकार अनिल कुमार अनल, मुरली प्रसाद यादव, गणेश लाल देव, राधे श्याम रमण, नेपाल पत्रकार महासंघ सप्तरीका पूर्व उपाध्यक्ष सुधा देवले शुभकामना मन्तव्य व्यक्त गरेका थिए ।
यसैगरी प्रेस मञ्च नेपाल सप्तरीका अध्यक्ष बृजमान तामाङ, प्रेस चौतारी सप्तरीका अध्यक्ष डम्बर राई, प्रेस युनियन सप्तरीका कार्यबाहक अध्यक्ष विनय लाल कर्ण, समाजवादी प्रेस संगठन सप्तरीका अध्यक्ष अनिल पोखरेल, सतिश कुमार दत्त लगायतका व्यक्तिले शुभकामना मन्तव्य व्यक्त गरेका थिए ।
नेपाल पत्रकार महासंघ शाखा सप्तरीका सचिव राम नारायण विश्वासद्वारा संचालित कार्यक्रममा स्वागत उपाध्यक्ष बैधनाथ यादवले गरेका थिए । अर्का उपाध्यक्ष अम्बिका दाहालले धन्यवाद व्यक्त गरिन् । कार्यक्रममा सप्तरीका बिभिन्न संचारमाध्यममा कार्यरत् पत्रकारहरुको उपस्थिति रहेको थियो । महासंघ शाखाद्वारा उपस्थिति सबैलाई नयाँ कपडा (गमछा) प्रदान गरिएको थियो ।
