क्रान्ति केन्द्र सम्वाददाता
जनता समाजवादी पार्टी नेपालका चुनावी प्रचार–प्रसार कार्यालय तिलाठी कोइलाडी गाउँपालिका वडा नम्बर ८ तोपामा आइतबार एक कार्यक्रम बीच उद्धाटन गरिएको छ ।
सप्तरी निर्वाचन क्षेत्र नम्बर २ (क)को संयोजक सत्यनारायण यादवको अध्यक्षतामा भएको कार्यक्रममा प्रमुख अतिथि जसपाका प्रवक्ता तथा मधेश प्रदेशका अर्थ मन्त्री शैलेन्द्र प्रसाद साह कार्यक्रमका विशिष्ट अतिथि मधेश प्रदेश जसपाका उपााध्यक्ष शम्भू झा रहेका थिए ।
प्रमुख अतिथिको आसनबाट बोल्दै अर्थ मन्त्री साहले “२०७४ सालमा यहाँका जनताले आफ्नो अमुल्य मत दिएर हामीले पठाएको थियो, त्यसकै फल स्वरुप आज सप्तरीमा चौतर्फी विकासै विकास भएको हो , जसपाको काम जनतालाई देखाउन पर्दैन जनता आफैमा मुल्याङ्कन गरेर फेरी निर्वाचन क्षेत्र नम्बर २ मा जसपाको झण्डा फहराउछन हामीलाई विश्वास छ । “उनले भने “केही बर्ष अगाडी यहाँका जनताहरु शिक्षा, स्वास्थ्य, यातायात, बिजुलीको असुविधाले गर्दा पलयान गर्न लागेका थिए , तर आजका दिनमा त्यहि जनताहरु पुनः सबै सुविधा देखेर फर्किन लागेका छन ।”
अहिले गजेन्द्र नारायण सिंह सगरमाथा अस्पताल परिसरभित्र नर्सिङ कलेजको स्थापना संगै निर्माण कार्य समेत अन्तिम चरणमा रहेको उनले बताए ।
त्यस्तै महेन्द्र विन्देश्वरी बहुमुखी क्याम्पस परिसरभित्र इन्जिरियरिङ्ग कलेजको स्थापना , दिघबा बिरौल स्थित रामराजा मेडिकल कजेल तथा स्वास्थ्य विज्ञान प्रतिष्ठानको स्थापना काम भएको उनले बताए ।
सो कार्यक्रममा जसपा नेपालका युवा नेता निरज मुक्ति, माहदेवा गाउँपालिका नेता दानालाल यादव, मधेश प्रदेश संघीय परिषद सदस्य नवनित झा लागयत हजारौं संख्यामा नेता कार्यकताहरुको उपस्थिति रहेको थियो ।
