क्रान्ति केन्द्र सम्वाददाता
राजविराज ।
सप्तरी जिल्लाको छिन्नमस्ता गाउँपालिकाद्वारा आयोजित प्रथम राष्ट्रिय खुल्ला अध्यक्ष भलिबल प्रतियोगिताको फाइनल खेल शनिबार मोरङ्ग र धनुषा बीच हुने आयोजकले बताए ।
कविलासा टिम सेमी फाइनलमा नआएपछि खेलको नियम अनुसार धनुषा टिम ‘वाक ओभर’ माध्यमबाट फाइनलमा पुगेको छ भने मोरङ्ग क्लव सुनसरीलाई पराजित गर्दै फाइनलको यात्रा गरेको छ ।
युवायुवती खेलाडीहरुको प्रोत्साहन बढाउनको लागि खेलको आयोजना गरिएको अध्यक्ष विद्यान्नद चौधरीले बताए । युवा–युवतीहरुलाई कुलतबाट खेलको माध्यमले हटाउने मनसाईले यस्तो किसिमको खेलको आयोजना गरिएको अध्यक्ष चौधरीले बताए ।स्थानीय खेलाडीहरुलाई समेत प्रोत्साहनका लागि खेलको आयोजना गरिएको अध्यक्ष चौधरीले बताए ।
प्रतियोगिता गत असोज १० गतेदेखी सुरुवात भएको थियो । प्रतियोगितामा कुल १० वटा टिम सहभागी रहेका थिए ।जसमा ८ वटा पुरुष टिम र २ वटा महिला टिमको सहभागिता रहेको आयोजकले बताए । विजेता टिमलाई नगद १ लाख १ हजार कप र उपविजेता टिमलाई ५१ हजार नगद तथा कप दिइने आयोजक टिमले बताए । खेलको मैन अफ दि सिरीजमा ५ हजार नगद र शिल्ड समेत बितरण हुने आयोजक समितीका बसन्त कुमार चौधरीले बताए ।
सहभागिता टिमहरुमा सप्तरी जिल्लाको छिन्नमस्ता गाउँपालिका, डाक्नेश्वरी नगरपालिका, सुनसरी, मोरङ, सिरहा, धनुषा, सुरुङ्गा नगरपालिका धरान, नेपाल पुलिस आर्मी क्याम्प रहेका थिए ।आज फाइनल खेल दिउँसो १ बजेदेखी सुरु हुने आयोजक समितीका चौधरीले बताए ।
