क्रान्ति केन्द्र सम्वाददाता
विभिन्न पार्टी परित्याग त्याग गरि केन्द्रीय नेता तथा कार्यकर्ताहरु जनता समाजवादी पार्टी नेपालमा प्रवेश गरेका छन् ।
सप्तरीको राजविराजमा आइतबार आयोजित एक कार्यक्रमका बीच बिभिन्न पार्टीमा रहेका केन्द्रीय तथा जिल्लाका नेताहरु पार्टी परित्याग गरि जसपामा प्रवेश गरेका छन् ।
लोसपाका केन्द्रीय नेता शैलेश कुमार चौधरी, केन्द्रीय नेता एवम् मधेश बाहिनी रक्षा दलको पुर्व अध्यक्ष विनोद कुमार यादव, केन्द्रीय सदस्य पूनम यादव लगायतका दर्जनौं नेता तथा कार्यकर्ताहरु जसपामा प्रवेश गरेका छन् । शैलेश चौधरी राजविराज नगरपालिकाका पूर्व मेयर समेत हुन् । उनीहरू चुनावी गठबन्धनमा लोसपा पार्टीले थोरै सीटमा तालमेल गरेका कारण असन्तुष्ट रहेका थिए ।
सप्तरी उद्योग वाणिज्य संघका पूर्व उपाध्यक्ष शंकर दास, नेकपा एसको प्रदेश सचिवालय सदस्य अरुण देव लगायतका नेताहरु जसपामा प्रवेश गरेका छन् ।
नव प्रवेशीहरुलाई जसपा अध्यक्ष उपेन्द्र यादव, केन्द्रीय नेता एवम् राष्ट्रियसभा सदस्य मृगेन्द्र कुमार सिंह यादव, पार्टीका प्रवक्ता मनिष सुमन लगायतले स्वागत गरेका थिए ।
सप्तरी क्षेत्र नम्बर २ बाट प्रतिनिधि सदस्यमा उम्मेदवारी दिएका जसपा अध्यक्ष उपेन्द्र यादवले सप्तरीमा कार्यकर्ता भेला, भेंटघाट, छलफल तथा पार्टी प्रवेश कार्यक्रमलाई तिब्रता दिएका छन् । प्रतिनीधि सभा सदस्यमा निर्वाचित भएपछि नर्सिङ्ग कलेज, इन्जिनियरिङ्ग कलेज, रामराजा सिंह स्वास्थ्य विज्ञान प्रतिष्ठान, कृषि विश्वविद्यालय सय शैय्याको अस्पताललाई ४ सय २० बेडको सुविधा सम्पन्न अस्पताल, सडक सञ्जाल विस्तार, विद्यालय भवन निर्माण लगायत विभिन्न कामहरु गरेका छन् । उनले सप्तरीमा जम्मा ४२ वटा काम गरेका छन् । त्यस मध्ये केही काम पुरा पनि भईसकेको छ भने बाँकी निर्माणका क्रममा रहेका छन् ।
