श्रवण वत्स
टि–२० विश्वकप २०२२ क्रिकेटको सुपर- १२ को खेलमा भारतले चिर प्रतिद्वन्दी पाकिस्तानलाई ४ विकेटले पराजित गरेको छ ।
अष्ट्रेलियामा भएको खेलमा पाकिस्तानले दिएको १ सय ६० रनको लक्ष्य भारतले ६ विकेट गुमाएर अन्तिम बलमा पुरा गरेको छ ।
भारतका लागि विराट कोहली तथा हार्दिक पाण्ड्याले एक सय १३ रनको साझेदारी गरेका थिए ।
कोहली ५३ बलमा ८२ रनमा र हार्दिकले ३७ बलमा ४० रन बनाए ।
पाकिस्तानका लागि हरिस रउफले ४ ओभरमा ३६ रन दिएर २ विकेट लिए । नशिम शाहले ४ ओभरमा २३ रन दिएर १ विकेट लिए ।
टस हारेर पहिले ब्याटिङ गरेको पाकिस्तानले २० ओभरमा ८ विकेट गुमाएर १ सय ५९ रन बनाएको थियो ।
पाकिस्तानको लागि इफ्तिहार अहमद र शान मक्सुदले ७६ रनको साझेदारी गरेर टोलीलाई सम्मानजनक स्कोरमा पुर्याएका थिए ।
भारतका लागि अर्शदिप सिंह र हार्दिक पाण्ड्याले ३ -३ विकेट लिएका थिए भने भुवनेश्वर कुमारले २ तथा मोहम्मद समीले १ विकेट लिएका थिए ।
खेलको म्यान अफ द म्याच विराट कोहली भएका थिए ।
