प्रवेशकुमार बाबुल
सप्तरीको तिलाठी कोईलाडी गाउँपालिका- ३ सकरपुरामा चाडपर्वलाई लक्षित गरेर सरसफाई कार्यक्रम गरिएको छ । आइतबार सोही वडाको अध्यक्ष रमेश कुमार मुखियाको अगुवाईमा सरसफाई कार्यक्रम सम्पन्न भएको हो ।
वडा कार्यालयको आयोजनामा र त्यस वडाको बासिन्दाहरूको सहयोगमा कार्यक्रम गरिएको थियो । कार्यक्रम सकरपुराको एक मन्दिर प्राङ्गणबाट शुरु भएको थियो भने कार्यक्रममा गाउँका मुख्य बाटोहरूलाई सफा गरिएको थियो ।
वडा अध्यक्ष, वडा सदस्य, स्थानीय अगुवा नेता तथा केही स्थानीय बासिन्दाहरुले झाडु लिएर सरसफाई गरेका थिए ।
कार्यक्रममा वडा अध्यक्ष रमेश कुमार मुखिया, युवा नेता शिवनाथ यादव, तिलाठी चौकिका सई अबधेश चौबे, पत्रकार नविन यादव, वडा सदस्य अमोद झा, संजय मंडल लागयतका व्यक्तिहरुको उपस्थिति रहेको थियो ।
