क्रान्ति केन्द्र सम्वाददाता
सप्तरीको तिलाठीकोईलाडी गाउँपालिकामा स्वास्थ्य कार्यक्रमको बार्षिक समिक्षा कार्यक्रम सम्पन्न भएको छ । गाउँपालिकाको स्वास्थ्य शाखाको आयोजनामा गाउँपालिका अध्यक्ष अरुण कुमार मंडलको अध्यक्षतामा बुधबार कार्यक्रम सम्पन्न भएको हो ।कार्यक्रममा आर्थिक बर्ष २०७८/०७९ भरिमा गरेका कार्यहरु प्रस्तुत गरेका थिए ।सो कार्यक्रममा बर्ष भरिमा उतकृष्ट कार्य गरेका तीन स्वास्थ्य कार्यलयलाई पुरस्कार समेत प्रदान गरिएको सोही गाउँपालिकाका वडा नम्वर २का वडा अध्यक्ष कमल मण्डलले जानकारी दिए ।उतकृष्ट तीन स्वास्थ्य कार्यलायमा वडा नम्वर २ लौनिँया स्थित स्वास्थ्य चौकी प्रथम, वडा नम्बर ८ तोपा स्थित प्राथमिक स्वास्थ्य केन्द्र दोस्रो र वडा नम्वर ७ मंसापुरमा रहेको आधारभुत स्वास्थ्य केन्द्र तेस्रो भएको वडा अध्यक्ष मंडलले बताए ।
