क्रान्ति केन्द्र सम्वाददाता
राजविराजको जनआन्दोलन चौकमा राष्ट्रपति विद्या देवी भण्डारीकको पुत्ला दहन गरिएको छ ।मंगलबार जनता समाजवादी पार्टी, नेपालका युवा, विद्यार्थी तथा महिला संगठनद्वारा राष्ट्रपतिको पुत्ला दहन गरिएको हो । राष्ट्रपतिले नागरिकता विधेयक प्रमाणीकरण नगरी नागरिकलाई अधिकारबाट बञ्चित गर्ने प्रयास गरेको भन्दै उनीहरुले विरोध प्रदर्शन गरेका थिए ।राजविराजको शिव मन्दिर परिसरबाट निकालिएको रैली नगर परिक्रमा गर्दै जनआन्दोलन चौक सम्म पुगेको थियो ।प्रदर्शनकारीहरुले नगर परिक्रममा गर्दै राष्ट्रपतिको राजीनामा माग गरेका थिए ।उनीहरुले राष्ट्रपतिलाई अरुको ईसारामा चल्ने ‘कठपुतली राष्ट्रपति’ नाम दिएका थिए ।दूवै संसदबाट दूई-दुई पटक नागरिकता विधेयक पारित गरिए पनि राष्ट्रपतिले प्रमाणित नगरि संविधानको घोर उल्लंघन गरेको उनीहरुको ठहर थियो ।पुत्ला जलाउँदै प्रदर्शनकारी र त्यसलाई रोक्ने प्रयास गरेका प्रहरी बिच समान्य घम्साघम्सी समेत भएको थियो ।
