क्रान्ति केन्द्र सम्वाददाता
छिन्नमस्ता गाउँपालिका स्थित छिन्नमस्ता भगवती मन्दिरमा विजया दशमीको उपलक्ष्यमा हुने पूजापाठ व्यव्स्थापन सन्दर्भमा छलफल कार्यक्रम गरिएको छ । आज शनिबार छिन्नमस्ता गाउँपालिकाको अध्यक्ष बिद्यानन्द चौधरीको अध्यक्षतमा जिल्लाका सरोकारवाला निकायसंग छलफल कार्यक्रम गरिएको हो ।छलफलमा पुजाको लागि आवश्यक बिभिन्न बिषयमा छलफल गरिएको थियो । पुजामा सुरक्षामा कुनै कसर नराख्ने जिल्लाका सिडिओ र एसपीले भनेका थिए ।उनीहरुले सिमा देखि लिएर मन्दिर सम्मको सुरक्षाको जिम्मेवारी पुर्ण रुपले निर्वाह गर्ने प्रतिब्द्धता जनाएका थिए ।
कार्यक्रममा प्रमुख अतिथि सप्तरीका प्रमुख जिल्ला अधिकारी भूपेन्द्र थापा, बिशिष्ट अतिथिद्वय गाउँपालिका उपाध्यक्ष राजु देवी यादव एवम प्रहरी उपरीक्षक अभि नारायण काफ्ले रहेका थिए । कार्यक्रममा छिन्नमस्ता शक्तिपिठका पिठाधिस महाकान्त ठाकुर, स्थानीय जनप्रतिनिधि, पत्रकार लगायतका उपस्थिती रहेको थियो ।
विजया दशमीमा छिन्नमस्ता मन्दिर भक्तजनले खचाखच भरिएको हुन्छ ।दशमी लगायत अन्य समयमा पनि यहाँ नेपालसंगै भारतका पनि बिभिन्न ठाउँबाट भक्तजनहरु आउने गर्छन् ।
