क्रान्ति केन्द्र सम्वाददात
राजविराजमा जनमत पार्टीद्वारा राष्ट्रपति विद्या देवी भण्डारीको पुत्ला दहन गरिएको छ । नगर परिक्रमा गरि विरोध प्रदर्शन गर्दै जनमत पार्टीका नेता तथा कार्यकर्ताहरुले आज शुक्रबार पुत्ला दहन गरेको हो । नागरिकता विधेयक प्रमाणीकरण नगरेकोले राष्ट्रपतिको राजिनामाको माग गर्दै उनीहरुले प्रदर्शन गरेका हुन् ।
पुत्ला दहनको क्रममा प्रहरीले रोक्न खोज्दा प्रहरी र प्रदर्शनकारीहरु बिच घम्साघम्सी समेत भएको थियो ।
जनमत पार्टीका सप्तरी जिल्ला ईन्चार्ज ममता झाले विद्यादेवी भण्डारी देशको नभई एक दलको राष्ट्रपति रहेको आरोप लगाएकी छिन् । उनले भनिन् ” नागरिकता विधेयक प्रमाणीकरण नगर्नु मधेशी जनतालाई हक अधिकारबाट बन्चित गर्ने षड्यंत्र हो ” प्रत्येक कार्यमा नागरिकताको आवश्यकता परिरहने देशमा नागरिकताबाट बन्चित गर्ने कार्यले राष्ट्रपतिको धारणा झलकाई दिएको उनले भनिन्
