क्रान्ति केन्द्र सम्वाददाता
नेपाल फोटो पत्रकार महासंघका केन्द्रीय सचिवमा सौरभ यादव निर्वाचित भएका छन् ।
चितवनमा आयोजना गरिएको महासंघको दोश्रो अधिवेशनबाट उनी सचिव (खुल्ला)मा निर्विरोध निर्वाचित भएका हुन् । सप्तरीको राजविराज निवासी यादव विगत ६ वर्षदेखि सक्रियताका साथ पत्रकारितामा आवद्ध रहेका छन् ।
महासंघका अध्यक्षमा हरिप्रसाद रेग्मी, वरिष्ठ उपाध्यक्षमा सागर श्रेष्ठ, उपाध्यक्ष (खुल्ला)मा दिप ज्ञवाली, महासचिवमा नरेशकुमार श्रेष्ठ निर्वाचित भएका छन् ।
सचिव खुल्लातर्फ यादवसहित गजेन्द्र राइ, हरिहर सिंह राठौर, प्रभातकुमार झा, निश्चल चापागाई, कोमल चन्द्र भगत सुडी, बाबुराम भण्डारी, विशाल सुनार र भरत ढकाल तथा सचिव समावेशीमा विवेक नागरि, कोषाध्यक्षमा किरणकुमार पन्थ तथा केन्द्रीय सदस्यमा १० जना निर्वाचित भएका छन् ।
यादव मधेशलाइभ अनलाइनका समाचार संयोजक, नयाँ पत्रिकाका तथा ए पी वन टेलिभिजनका सम्वाददाता हुन् ।
