क्रान्ति केन्द्र सम्वाददाता
५८ औं राष्ट्रिय बालदिवसको अवसरमा तिलाठी कोइलाडी-०२ लौनियाँमा वकतृत्वकला प्रतियोगिता कार्यक्रम तथा खेलकुद सामग्री वितरण गरिएको छ । बुधबार सोही वडाको आयोजना भएको सो कार्यक्रममा ‘बालअधिकार सम्बर्द्धनमा स्थानीय सरकारको भुमिका’ बिषयमा वकतृत्वकला प्रतियोगिता भएको हो । प्रतियोगितामा सो वडा भित्र रहेका विद्यालयहरु तथा बालकल्बहरु बाट गरि जम्मा १८ जना सहभागी रहेका थिए ।
प्रतियोगितामा बजरंगबली बालकल्वकी मनिषा कुमारी मंडल प्रथम , आधारभूत विद्यालय लौनियाँका राम कृष्ण मंडल द्वितीय र सिद्धिदात्री बालकल्वकी कल्पना कुमारी मंडल तृतीय भएकी थिइन् । तीनै जनालाई पुरस्कार प्रदान गरिएको थियो ।
सोही अवसरमा वडा भित्रका बालकल्वहरु र विद्यालयमा वडा कार्यालयको तर्फबाट खेलकुदको सामग्री समेत वितरण गरिएको थियो ।
तिलाठी कोइलाडी गाउँपालिकाको अध्यक्ष अरुण कुमार मंडलको प्रमुख आतिथ्यमा भएको कार्यक्रमका अध्यक्षता सोही पालीकाको वडा नम्बर २ को अध्यक्ष कमल कुमार मंडलले गरेका थिए । कार्यक्रममा पालिकाका शिक्षा संयोजक राजेश झा, सोही वडा भित्रका विद्यालयका प्रधानाध्यापक प्रदिप मंडल, चन्देश्वर खंग तथा स्थानीय बुद्धिजीवी लगायतका व्यक्तिहरुको उपस्थिति रहेको थियो । कार्यक्रमका संचालन स्थानीय युवा कासिन्द्र खंगले गरेका थिए ।
