क्रान्ति केन्द्र सम्वाददाता
बालदिवसको अवसरमा दलान युवा कल्वले वक्तृत्वकला प्रतियोगिता गराएको छ । उनीहरूले बुधबार तिलाठी कोइलाडी गाउँपालिका-०३,सकरपुराको राष्ट्रिय प्राथमिक विद्यालयमा कार्यक्रम गराएका हुन् । कार्यक्रममा सो गाउँपालिका भित्रका बालकल्वहरुमा आवद्ध रहेका मध्ये जम्मा १६ जना बालबालिकाहरु सहभागी रहेका थिए । बाल अधिकारको विषयमा भएको वक्तृत्वकला प्रतियोगितामा प्रकृति बालकल्बकी रितिका सिंह प्रथम, प्रगति बालकल्बकी लक्ष्मी कुमारी यादव द्वितिय, उज्ज्वल बालकल्बकी संजना कुमारी मंडल तृतीय र मिथिला बालकल्बका सरोज मरिक चतुर्थ भएका थिए । चारै जनालाई पुरस्कार प्रदान गरिएको थियो ।
दलान युवा कल्वको आयोजना तथा तिलाठी कोइलाडी गाउँपालिका-३ सकरपुराको सहयोगमा भएको कार्यक्रममा सो गाउँपालिका स्तरीय बालकल्ब संजालले समन्वय गरेका थिए ।
सकरपुराका वडाअध्यक्ष रमेश मुखियाको प्रमुख आतिथ्यमा भएको सो कार्यक्रमका अध्यक्षता दलान युवा कल्वका अध्यक्ष त्रिवेणी यादवले गरेका थिए । कार्यक्रममा वडाको तर्फबाट सदस्य अमोद झा, समाजिक परिचालक जितेन्द्र देव, सोही विद्यालयका प्रधानाध्यापक सुनिल झा , शिक्षक पंकज झा, संस्थाको तर्फबाट रंजित झा, राजन मंडल लगायतका व्यक्तिहरुको उपस्थिति रहेको थियो ।
कार्यक्रम संचालन संस्थाका कोषाध्यक्ष कंचन यादवले गरेकी थिईन् ।
