क्रान्ति केन्द्र सम्वाददाता
मिथिला साहित्य कला-प्रतिष्ठान (मिलाफ) नेपालद्वारा राजविराजमा ‘जितिया पर्व समारोह २०७९’ तथा मैथिली साहित्यिक तथा सांगीतिक कार्यक्रम मनाइएको छ ।
राजविराजक कार्यवाहक नगर प्रमुख इसरत परविनको प्रमुख आतिथ्य तथा मिलाफ नेपालका अध्यक्ष रमिला साहको अध्यक्षतामा आयोजित उक्त समारोहमा मैथिली लोकगीत गायन प्रतियोगिता समेत राखिएको थियो । मिथिलाको हिन्दू महिलाहरुको कठोर नियम निष्ठाका जितिया पर्वको महत्व तथा विशेषता विषयमा मिलाफ नेपालक संस्थापक अध्यक्ष देवेन्द्र मिश्रले आफ्ना विचार राखेका थिए ।
लोकगीत गायन प्रतियोगितामा १८ जनाको महिला सहभागीता रहेको थियो । उक्त प्रतियोगितामा प्रथम बरही विरपुरको सावित्री देवी राम, द्वितिय राजविराजको विनिता कर्ण, तृतीय प्रतिमा देव र सांत्वना पुरस्कार रीता कर्ण र गुलजारी देवीले पाएका थिए ।
जितिया महिलाहरुको महान पर्व संगै महिला सशक्तिकरणको एउटा महत्वपूर्ण अवसर समेत रहेको प्रमुख अतिथि परविनले बताएकी थिइन् ।
प्रतियोगिताको निर्णायक समितिमा गीतकार देवेन्द्र मिश्र, गायिका एवम गीतकार किरण झा र गायक सरोज राम रहेका थिए ।
उक्त कार्यक्रममा मैथिली साहित्य परिषद्का पूर्व अध्यक्ष विष्णु मण्डल, शुटिङ संघ नेपालक अध्यक्ष शशिकला मानन्धर, मीना ठाकुर, विमला देव, साहित्यकार मनोहर पोखरेल, मधेश लाइभ अनलाइनका सम्पादक पत्रकार प्रिया सिंह थारू,सत्येन्द्रनाथ चाैधरी, गजेन्द्र गजुर, राज राय, अभय प्रसाद यादव, ललिता झा लगायतका उपस्थिति रहेको थियो ।
