क्रान्ति केन्द्र सम्वाददाता
अन्नत चतुर्दशीको अवसरमा सप्तरी जिल्लाको कंचनरूप नगरपालिका बलुवामा रहेका भजनेश्वर महादेव मन्दिरमा भक्तजनहरुको जल अर्पण गर्न घुइँचो रहेको थियो । सोही अवसरमा भक्तजनहरुको लागि लगाईएको निःशुल्क स्वास्थ्य शिविरमा २० जनाले रक्तदान गरेका थिए ।
कंचनरुप नगरपालिकाका मेयर ललन प्रसाद गुप्ताको अध्यक्षता र मोडर्न युवा, बलुवा बजार समिति, स्थानिय व्यापार संघ , भजनेश्वर महादेव समिति र स्थानीय प्राथमिक स्वास्थ्य चौकी सहयोगमा भक्तजनहरुको लागि निःशुल्क स्वास्थ्य शिविरको कार्यक्रम आयोजना गरेको मेयर गुप्ताले जानकारी दिए ।
रक्तदान गर्नेहरुमा कमल राज लामा, गिरधारी प्रसाद साह, डा. संजय गुप्ता, डा. आकाश रौनियार, विरेन्द्र कुमार साह, करण मरिक, धर्मपुर स्वास्थ्य केन्दका स्वास्थ्यकर्मी तृप्ती कुमारी साह, वडा नं. ८ का वडा सदस्य निरज रौनियार लगायतले रक्तदान गरेका थिए ।
