क्रान्ति केन्द्र सम्वाददाता
राजविराज ।
सप्तरी जिल्लाको मुटु भनेर चिनिने माता छिन्नमस्ता (सखडा) भगवति मन्दिर वरिपरी अव्यवस्थित तरिकाले रहेको बजारलाई व्यवस्थित तथा बजारमा रहेका फोहरलाई सफा गर्न सरसफाई अभियान सुचारु गरिएको छ । शनिबार बिहान छिन्नमस्ता गाउँपालिका अध्यक्ष विद्यान्नद चौधरीको अध्यक्षतामा बजार व्यवस्थापन तथा सरसफार्ई कार्यक्रम अभियान सुरु भएको हो ।
बिहानै सिमसिम पानी परिरहदा पनि अध्यक्ष चौधरी लगायत प्रशासकीय अधिकृत ललन कुमार यादव, गाउँपालिका उपाध्यक्ष राजो देवी यादव, वडा नं. ३ सखडाका वडा अध्यक्ष विजय यादव, ईलाका प्रहरी कार्यालय सखडाका (सई) सत्रुधन राउत र सशस्त्र प्रहरी बल बिओपी गोबिन्दपुरका (सई) कृष्ण बहादुर महरा लागयत गाउँपालिकाका सबै कर्मचारीहरुको हाथमा एउटा–एउटा कुच्चो, कोदालो, बेल्चा लिएर सरसफाई तथा अव्यवस्थित बजारलाई व्यवस्थित बनाउनमा जुटेका थिए ।
सखडा बजार भित्र रहेका सबै पसलहरुमा आफ्नो पसल भन्दा बाहिर रहेका टहरालाई समेत हटाउने काम सुरु भएको थियो । हिन्दुहरुको महानपर्व दशैं तिहार नजिक्दै जादाँ अव्यवस्थित तरिकाबाट रहेका बजारलाई व्यवस्थित तरीकामा ल्याउन बजारमा रहेका फोहरमैलालाई सफाई गर्ने अभियान रहेको गाउँपालिका अध्यक्ष चौधरीले बताए । बजार व्यवस्थित नहुन्जेल सम्म अभियान चल्ने उनले बताए । गत आईतबार यस विषयमा विद्यान्नद चौधरीको अध्यक्षतमा गाउँपालिकाका उपाध्यक्ष राजो देवी यादव, प्रशासकीय अधिकृत ललन यादव, यस गाउँपालिका भित्र पर्ने सबै वडाका वडा अध्यक्ष, नव निर्वाचित सदस्य, ईलाका प्रहरी कार्यालय सखडाका सई, राजनीतिकर्मी, बृद्धिजीवि, व्यापारी पत्रकार स्थानिय लगायत सबै जनासँग सँग सर सल्लाह गरेका थिए । माता छिन्नमस्ता भगवतिलाई दर्शन गर्न नेपालको दर्शनार्थि मात्रै होइन छिमेकी देश भारतबाट दर्शनार्थीहरु समेत यहाँ आउने गर्छन । तर यहाँको अव्यवस्थित अवस्था हेरेर तिनीहरु डराउँछन त्यसैले व्यवस्थित गर्न यस गाउँपालिका सबै वडा अध्यक्ष, उपाध्यक्ष, व्यापारी, राजनीतिकर्मी, बुद्धीजीवि, सुरक्षाकर्मी लगायत सबैसँग सुझाउ लिनको लागि बैठकको आयोजना गरेका अध्यक्ष चौधरीले बताए ।
यस गाउँपालिकालाई नमुना गाउँपालिकाको रुपमा बनाउँन र छिन्नमस्ता भगवतिलाई नेपालमा मात्रै नभई छिमेकी देश भारतमा समेत यसको राम्रो सँग प्रचार–प्रसार गर्न तर्फ तत्पर रहेको बताए ।
बाहिरबाट आएको गाडीहरुलाई व्यवस्थित तरीकाले पार्किङको व्यवस्था मिलाउने, बाटो मर्मत लागि सबै पक्षसँग छलफल गरेर त्यसको चाँडै समस्या समाधन गर्न तर्फ ध्यान रहेको उनले बताए ।
सिमा क्षेत्रहरुमा लागु औषधको कारोबार भईरहेको हुदाँ त्यस विषयमा हामी चाँडै सुरक्षाकर्मीहरुसँग सवन्मय गरेर त्यसको निकाष खोज्ने उनले बताए।
सो कार्यक्रममा गाउँपालिका उपाध्यक्ष राजो देवी यादव, प्रशासकीय अधिकृत ललन यादव वडा १ का वडा अध्यक्ष ललन कुमार यादव, २ का वडा अध्यक्ष सिकिन्द्र कुमार साह, ३ का वडा अध्यक्ष विजय कुमार यादव, ईलाका प्रहरी कार्यालय सखडाका सई सत्रुघन राउत, सशस्त्र प्रहरी बल बिओपी गोबिन्दपुरका सई कृष्ण बहादुर महरा, बुद्धिजीवि, पत्रकार, व्यापारी राजनीतिकर्मी, समाजसेवीहरुको उपस्थिति रहेको थियो ।
