क्रान्ति केन्द्र सम्वाददाता।
सप्तरीको महादेवा गाउँपालिकामा प्रमुख प्रशासकीय अधिकृत दिलीप कुमार यादव शुक्रबार कार्यालयमा हाजिर भई पदभार ग्रहण गरेको छ । गाउँ कार्यपालिकाको कार्यालयद्वारा नव आगन्तुक प्रमुख प्रशासकीय अधिकृत यादवलाई स्वागत तथा सम्मान गर्दै हाजिरी गराएको हो ।
गाउँपालिका अध्यक्ष सुनिल कुमार मण्डल सहितका जनप्रतिनिधि, कर्मचारीहरुले नव आगन्तुक प्रमुख प्रशासकीय अधिकृत यादवलाई कार्यालयमा माला, टिकाले भव्य स्वागत गरेका थिए ।
सो अवसरमा गाउँपालिका अध्यक्ष मण्डल सहित गाउँपालिका उपाध्यक्ष अर्चना कुमारी यादव लगायत नवनिर्वाचित जनप्रतिनिधिहरु तथा गाउँपालिका अन्तर्गतका विभिन्न शाखाका प्रमुख तथा कर्मचारीहरुको उपस्थिति रहेको थियो ।
अधिकृत यादव यस पूर्व सप्तरीको छिन्नमस्ता गाउँपालिकामा कार्यरत रहेका थिए ।
यस अघि महादेवा गाउँपालिकामा कार्यरत रहेका प्रमुख प्रशासकीय अधिकृत दिपेश झाको सरुवा मुख्यमन्त्री तथा मन्त्रिपरिषद्को कार्यालय मधेश प्रदेश जनकपुरधाममा भएको छ ।
