क्रान्ति केन्द्र सम्वाददाता
राजविराज नगरपालिकाद्वारा घर नक्सा पास तथा अभिलेखिकरण र शिक्षक सरुवा सम्बन्धी सहमति दिने कार्य स्थगन गरिएको छ । शुक्रवार नगरपालिकाले दुई छुट्टाछुटै सुचना जारी गर्दै कार्यहरुको स्थगन बारे जानकारी गराएको छ । प्राविधिक कारणले घर नक्सा पास तथा अभिलेखिकरण कार्य स्थगन गर्नुपरेको सुचना पत्रमा जनाइएको छ ।पत्रमा अर्को सुचना जारी नहुनजेल कार्य स्थगन गरिएको उल्लेख छ ।
नगरपालिकाले सोही दिन एक अर्को सुचना जारी गर्दै शिक्षक सरुवा सहमति दिने कार्य स्थगन गरिएको बताएको छ ।सुचनामा राजविराज नगर कार्यपालिका तथा सम्पुर्ण विद्यालयहरुबाट प्रदान गरिदै आएको सरुवा सम्बन्धि सहमति दिने कार्य हालको लागि स्थगन गरिएको जनाइएको छ । यस कार्य स्थगनको कारण भन्ने सुचनामा उल्लेख छैन् । नगरपालिकाका कार्यबाहक नगर प्रमुख इसरत परविन र प्रमूख प्रशासकिय अधिकृत विनय कुमार सोनुले संयुक्त रुपमा सुचना जारी गरेका छन् ।
