क्रान्ति केन्द्र सम्वाददाता।
छिन्नमस्ता गाउँपलिकाको सभा हलमा आज शिक्षक, शिक्षिका तथा विद्यालयका कर्मचारीहरुसंग शैक्षिक सुधार सम्बन्धी अन्तरक्रिया कार्यक्रम सम्पन्न भएको छ ।
गाउँपालिका अध्यक्ष विद्यानन्द चौधरीको अध्यक्षतामा नवनिर्वाचित जनप्रतिनिधिहरु र पालिकाको सम्पूर्ण विद्यालयका शिक्षक, शिक्षिका तथा कर्मचारीहरु बीच अन्तरक्रिया कार्यक्रम सम्पन्न भएको हो ।
सो कार्यक्रममा सम्पुर्ण विद्यालयको शिक्षकहरुले आ-आफ्नो विद्यालयको शैक्षिक अवस्था र विद्यालय भित्र रहेका विभिन्न समस्याहरु तथा कमि कमजोरीहरु राखेका थिए ।
गाउँपालिका अध्यक्ष चौधरीले कार्यक्रममा उठेका समस्याहरु प्रति आफू गम्भीर रहेको बताएका थिए ।
पालिका स्तरीय शिक्षा समितिको संयोजक समेत रहेका गाउँपालिका अध्यक्ष विद्यानन्द चौधरीले शिक्षा क्षेत्रमा रहेका सम्पुर्ण समस्याहरुलाई समाधान गर्ने तथा शैक्षिक गुणस्तर सुधार गर्ने र सम्पूर्ण विद्यालयहरुलाई व्यवस्थित गरी बिस्तारै नमुना किसिमको विद्यालय बनाउने प्रतिबद्धता समेत व्यक्त गरेका थिए ।
