क्रान्ति केन्द्र सम्वाददाता।
उदयपुर सिमेन्ट उद्योग लिमिटेडको विज्ञ सदस्यका लागि इन्जिनियर दिलिप कुमार झा र इन्जिनियर रविन्द्र अधिकारीको नाम सिफारिस गरिएको सिफारिस समितिले जनाएको छ ।
विज्ञ सदस्यको पदमा दुई जनालाई खुला प्रतिस्पर्धाद्वारा नियुक्ति गर्ने प्रयोजनका लागि उद्योग, वाणिज्य तथा आपूर्ति मन्त्रालय समक्ष उनीहरुको नाम सिफारिस गरिएको समितिले जनाएको छ । उदयपुर सिमेन्ट उद्योग लिमिटेडमा रिक्त रहेका उक्त पदहरुमा पदपूर्तिका लागि भदौ २ गते दरखास्त आह्वान गरिएको थियो ।
सिफारिस भएका इन्जिनियर झा सप्तरी जिल्लाको तिलाठी कोइलाडी गाउँपालिका वडा नम्बर १ तिलाठीका बासिन्दा हुन् भने इन्जिनियर अधिकारी तनहुँ जिल्लाको व्यास-८ का बासिन्दा हुन् ।
