क्रान्ति केन्द्र सम्वाददाता।
मधेश सरकारका अर्थमन्त्री शैलेन्द्र प्रसाद साहले प्रदेश सभामा नै चुनाव लड्ने आफ्नो धारणा स्पष्ट गरेका छन् । अर्थमन्त्री साहको सप्तरी संसदीय क्षेत्र नम्बर ३ बाट प्रतिनिधि सभाको निर्वाचनका लागि हिजो नाम सिफारिस भएपछि उनले आफ्नो धारणा स्पष्ट गरेका हुन् ।
आज आफ्नो फेसबुक पेज मार्फत
“सप्तरी क्षेत्र नं.३ मा पार्टीका साथीहरूले स्नेहपूर्वक चाहना राखेर प्रतिनिधिसभा सदस्य उम्मेदवारका लागि मेरो पनि नाम प्रस्तुत गर्नुभएकोमा त्यो सद्भावका लागि धन्यवाद!” लेखेर आभार प्रकट गरेका छन् ।
अर्थमन्त्री साह आफ्नो उम्मेदवारी बारे थप स्पष्ट पारदै लेखेका छन् “मैले सप्तरी निर्वाचन क्षेत्र नं.२( क) बाट नै मेरो उम्मेदवारीको तयारी गरिरहेको छु र स्वाभाविक रूपमा म उम्मेदवार हुने यहीँबाट हो ।”
