क्रान्ति केन्द्र सम्वाददाता।
सप्तरीको महेन्द्र विन्देश्वरी बहुमुखी क्याम्पस राजविराजमा सूचना तथा प्रविधिमा स्नातक तह ( बी.आइ.टी) सञ्चालनका लागि सम्भाव्यता अध्ययन शुरु भएको छ । त्रिभुवन विश्वविद्यालयको विज्ञान तथा प्रविधि अध्ययन संस्थानका सहायक डीन डा. खगेश्वर मण्डलको नेतृत्वमा आएको टोलीले आज क्याम्पसमा सम्भाव्यता अध्ययन गरेको क्याम्पस प्रमुख राजीब मिश्रले बताएका छन् । अध्ययन टोलीले क्याम्पस र कक्षा कोठा लगायत विभिन्न प्रयोगशालाहरुको अनुगमन तथा निरिक्षण गरेको उनले बताए । सो क्रममा टोलीले क्याम्पस प्रमुख, सहायक क्याम्पस प्रमुख, विधार्थी कल्याण प्रमुख सहित शिक्षक एवं कर्मचारुहरुसंग छलफल समेत गरेका थिए ।
त्रिभुवन विश्वविद्यालयबाट आएको सम्भाव्यता अध्ययन टोलीमा सहायक डीन मण्डल बाहेक कम्प्युटर विज्ञान तथा सूचना प्रविधि केन्द्रीय विभागका विभागीय प्रमुख सर्विन सायमी र विज्ञान तथा प्रविधि अध्ययन संस्थान डीनको कार्यालयका प्रशासन प्रमुख दिनेश घिमिरे रहेको क्याम्पस प्रमुख मिश्रले जानकारी दिएका छन् ।
