क्रान्ति केन्द्र सम्वाददाता
राजविराज ।
सप्तरी जिल्लाको दक्षिणी भेगमा रहेको छिन्नमस्ता गाउँपालिका- ५ लोखरममा बनेकाे नयाँ स्वास्थ्य चौकी सोमबार देखि सञ्चालनमा आएको छ ।
वडा अध्यक्ष जयप्रकाश ठाकुरको अध्यक्षतामा भएको एक कार्यक्रममा गाउँपालिका अध्यक्ष विद्यानन्द चौधरीले हिन्दु परम्परा अनुसार भगवानको पूजापाठ गरेर नयाँ स्वास्थ्य चौकीमा गृह प्रवेश गरेकाे वडा अध्यक्ष ठाकुरले बताए ।
गाउँपालिका अध्यक्ष चौधरीले कार्यक्रममा बौल्दै हामीसँग रहेको एम्बुलेंसलाई यथाशिघ्र मर्मत गराई स्वास्थ्य चौकीमा ल्याउने काम भईरहेको बताए । उनले केही दिनमा एक थान नयाँ एम्बुलेन्स समेत थप्ने बताए । यस स्वास्थ्य चौकीमा बर्थिङ्ग सेन्टर समेत विस्तार गर्ने आफ्नो योजना रहेको अध्यक्ष चौधरीले बताए ।
सो कार्यक्रममा गाउँपालिकाकी उपाध्यक्ष राजो देवी यादव, प्रमुख प्रशासकीय अधिकृत ललन कुमार यादव, गाउँपालिका कर्मचारीहरु, वडा अध्यक्ष जय प्रकाश ठाकुर, स्वास्थ्य संयोजक मदनेश्वर प्रसाद चौधरी, सामाजसेवी अजीत कुमार ठाकुर, ईलाका प्रहरी कार्यालय सखडाका सुरक्षकर्मीहरु, कार्यालय प्रमुख हेल्थ असिस्टेन्ट राजाबाबु मेहता, सिनियर अहेव आलोक रञ्जन झा तथा राजनीतिकर्मीहरु लगायको उपस्थिति रहेको थियो ।
