क्रान्ति केन्द्र सम्वाददाता।
सप्तरीको विष्णुपुर गाउँपालिकामा प्रमुख प्रशासकीय अधिकृत रमेश यादव आज कार्यालयमा हाजिर भई पदभार ग्रहण गरेको छ । गाउँ कार्यपालिकाको कार्यालयद्वारा नव आगन्तुक प्रमुख प्रशासकीय अधिकृत यादवलाई स्वागत तथा सम्मान गर्दै हाजिरी गराएको हो । गाउँपालिका अध्यक्ष उमेश प्रसाद यादव सहितका जनप्रतिनिधि, कर्मचारीहरुले नव आगन्तुक प्रमुख प्रशासकीय अधिकृत यादवलाई कार्यालयमा खादा, टिकाले भव्य स्वागत गरेका थिए ।
सो अवसरमा गाउँपालिका अध्यक्ष यादव सहित नवनिर्वाचित जनप्रतिनिधिहरु तथा गाउँपालिका अन्तर्गतका विभिन्न शाखाका प्रमुख तथा कर्मचारीहरुको उपस्थिति रहेको थियो ।
विगत चार पाँच वर्ष देखि सप्तरी कै विभिन्न स्थानीय तहमा प्रशासकीय अधिकृत यादव कार्यरत रहेका छन् । अधिकृत यादव यस पूर्व सप्तरीको छिन्नमस्ता गाउँपालिका, तिरहुत गाउँपालिका र राजगढ गाउँपालिकामा रहि प्रशासन सम्हालि सकेका छन् ।
यस अघि त्यहाँ कार्यरत रहेका प्रमुख प्रशासकीय अधिकृत सुरेन्द्र यादवको सरुवा सप्तरी कै तिलाठी कोइलाडी गाउँपालिकामा भएको छ । उनी पनि चाँडै त्यहाँ हाजिर हुने तयारीमा रहेको स्रोतले बताएको छ ।
