काठमाडौं
संविधानसभा सदस्य तथा जनता समाजवादी पार्टी नेपालकी केन्द्रिय राजनीतिक समिति सदस्य नेतृ रन्जु ठाकुरले नागरिकता विधेयक राष्ट्रघाती नरहेको बताएकी छिन।मंगलबार आफ्नो आधिकारिक फेसबूक पेजमा स्टाटस लेख्दै उनले यस्तो बताएकी हुन।
दुबै सदनबाट बहुमतले पास भई राष्ट्रपतिकहाँ प्रमाणीकरणका लागि पठाएको विधेयक किन फिर्ता गर्नुपर्यो भनेर प्रश्न गरिन।राजनीतिक मतभेद र स्वार्थका लागी नागरिकता नपाएका ठुलो जमातलाई अधिकारविहिन बनाउन नमिल्ने उनले बताएकी छिन ।त्यसैगरी उनले अहिलेको विधेयकमा भएको प्रावधानमा कतै भिन्नता नरहेको अध्यादेश तत्कालीन सरकारले ल्याउँदा राष्ट्रपतिले प्रमाणीकरण गरिनु तर अहिलेको विधेयक फिर्ता गर्नुले अनागरिकप्रती अन्याय गरेको बताइन् ।
”अहिलेको विधेयक कसरी राष्ट्रघात भयो बुझ्ने गाह्रो ?हिजोसम्म वैवाहिक अंगिकृत नागरिकता दिँदा देशमा कुनै घात नभएकोमा अब घात हुने भनिनेहरुले अर्थ नै अनर्थ लगाएपछि के बुझाउने?देशका नागरिकताविहिन युवाहरु पीडित भएर बसेका छ्न।उनीहरुले कहिले न्याय पाउने हो?”उनले भनिन् ।
नेकपा(एमाले)बाट संविधानसभा सदस्य रहेर नेपालको संविधान २०७२ लेख्नमा ठाकुरको महत्त्वपूर्ण भुमिका रहेको छ।कानुनको विद्यार्थी समेत रहेकी ठाकुर संविधानसभाको मस्यौदा समितिमा बसेर काम गरेकी छिन।
